8 красавіка ў Мінску — «Дударскі фэст»
«Дуда — гэта душа нашага народа, — кажа лідар гурту «Стары Ольса» Зміцер Сасноўскі. — Гэта голас самой нашай зямлі.
Гэта шалёны подых усіх піроў і карчомных вечарынаў. Візгат старых танцаў і пранікнёнае гучанне абрадавых спеваў. Голас пахаванняў і развітання з загінулымі сябрамі. За сотні і сотні гадоў…
Сардэчна запрашаю наведаць гэтае свята, якое адбываецца раз на два гады. Абяцаю і ежу для розуму, і шаленства на танцполе».
Дударскі фэст — 2017 пройдзе ў клубе Re:public (Прытыцкага, 62), пачатак а 17:30. Удзел возьмуць гурты «Стары Ольса», Pawa, HardWood, Trollwald, Sakramant, LityTaler, PiobROCK.