8 krasavika ŭ Minsku — «Dudarski fest»
«Duda — heta duša našaha naroda, — kaža lidar hurtu «Stary Olsa» Źmicier Sasnoŭski. — Heta hołas samoj našaj ziamli.
Heta šalony podych usich piroŭ i karčomnych viečarynaŭ. Vizhat starych tancaŭ i praniknionaje hučańnie abradavych śpievaŭ. Hołas pachavańniaŭ i raźvitańnia z zahinułymi siabrami. Za sotni i sotni hadoŭ…
Sardečna zaprašaju naviedać hetaje śviata, jakoje adbyvajecca raz na dva hady. Abiacaju i ježu dla rozumu, i šalenstva na tancpole».
Dudarski fest — 2017 projdzie ŭ kłubie Re:public (Prytyckaha, 62), pačatak a 17:30. Udzieł voźmuć hurty «Stary Olsa», Pawa, HardWood, Trollwald, Sakramant, LityTaler, PiobROCK.