Кіраўнік Twitter выставіў на таргі свой першы твіт. За яго ўжо прапануюць два мільёны даляраў
Кіраўнік і адзін з заснавальнікаў сацыяльнай сеткі Twitter Джэк Дорсі выставіў на продаж свой першы твіт, апублікаваны 21 сакавіка 2006 года.
5 сакавіка ён змясціў на сваёй старонцы ў сацыяльнай сетцы паведамленне са спасылкай на платформу Valuables, дзе гандлююць твітамі.
Дорсі спрабуе прадаць свой першы твіт як неўзаемазамяняльны токен (NFT). Гэта лічбавы сертыфікат, які захоўваецца ў блокчэйне і дае эксклюзіўныя правы на фота, відэа, твіты і іншыя лічбавыя тавары.