Kiraŭnik Twitter vystaviŭ na tarhi svoj pieršy tvit. Za jaho ŭžo prapanujuć dva miljony dalaraŭ
Kiraŭnik i adzin z zasnavalnikaŭ sacyjalnaj sietki Twitter Džek Dorsi vystaviŭ na prodaž svoj pieršy tvit, apublikavany 21 sakavika 2006 hoda.
5 sakavika jon źmiaściŭ na svajoj staroncy ŭ sacyjalnaj sietcy paviedamleńnie sa spasyłkaj na płatformu Valuables, dzie handlujuć tvitami.
Dorsi sprabuje pradać svoj pieršy tvit jak nieŭzajemazamianialny tokien (NFT). Heta ličbavy siertyfikat, jaki zachoŭvajecca ŭ błokčejnie i daje ekskluziŭnyja pravy na fota, videa, tvity i inšyja ličbavyja tavary.