Дзмітрый Яраш заклікаў Украіну дапамагчы беларусам стварыць сваё войска і вызваліць Беларусь
Былы лідар «Правага сектара» выказаў меркаванне, што «ў найбліжэйшай перспектыве Украіна абавязаная правесці спецыяльную ваенную аперацыю па вызваленні брацкай Беларусі» ад рэжыму Лукашэнкі. Пра гэта ён напісаў у Фэйсбуку.
Дзмітрый Яраш. Фота: dyastrub / Facebook
Паводле Яраша, Украіна з дапамогай саюзнікаў павінна аказаць «усю неабходную падтрымку беларускім патрыётам у стварэнні найноўшага беларускага войска».
Мэта, якую бачыць Яраш, — вызваленне Беларусі не толькі ад рэжыму Лукашэнкі, але і ад расійскай акупацыі. Пасля гэтага, паводле яго, Беларусь зможа далучыцца да будучага Балтыйска-Чарнаморскага саюза свабодных народаў.
«Слава беларускім воінам, якія ваююць за нашу і іх свабоду!» — піша Яраш.