Сыну Лябедзькі далі 15 сутак. У пратаколе напісалі, што «чапляўся да міліцыянтаў»
Арцёма Лябедзьку затрымалі ўчора. Прыходзілі з КДБ, пасля адвезлі ў Кастрычніцкі РУУС.
Сына палітыка асудзілі па адміністрацыйным артыкуле 19.1 (дробнае хуліганства), паведаміў «Нашай Ніве» Анатоль Лябедзька. У пратаколе — стандартныя фармулёўкі. Напісалі, што ён нібыта прыйшоў а 8-й гадзіне вечара да будынка Кастрычніцкага РУУС, размахваў рукамі, лаяўся і чапляўся да міліцыянтаў.
Мужчыну далі 15 сутак. Суддзёй была Алена Жывіца.
Анатоль Лябедзька мяркуе, што на сына быў ціск і ён можа працягвацца і пасля гэтых 15 сутак.
Лябедзька: Я ніколі так не хацеў апынуцца на Акрэсціна, як гэтай ноччу