Synu Labiedźki dali 15 sutak. U pratakole napisali, što «čaplaŭsia da milicyjantaŭ»
Arcioma Labiedźku zatrymali ŭčora. Prychodzili z KDB, paśla advieźli ŭ Kastryčnicki RUUS.
Syna palityka asudzili pa administracyjnym artykule 19.1 (drobnaje chulihanstva), paviedamiŭ «Našaj Nivie» Anatol Labiedźka. U pratakole — standartnyja farmuloŭki. Napisali, što jon nibyta pryjšoŭ a 8-j hadzinie viečara da budynka Kastryčnickaha RUUS, razmachvaŭ rukami, łajaŭsia i čaplaŭsia da milicyjantaŭ.
Mužčynu dali 15 sutak. Sudździoj była Alena Žyvica.
Anatol Labiedźka miarkuje, što na syna byŭ cisk i jon moža praciahvacca i paśla hetych 15 sutak.
Labiedźka: Ja nikoli tak nie chacieŭ apynucca na Akreścina, jak hetaj nočču