Палітвязня Уладзіміра Булаўскага этапавалі ў бабруйскую калонію
Прааабаронцам стала вядома, што днямі палітзняволенага арт-менеджара і музыку Уладзіміра Булаўскага перавялі ў папраўчую калонію №2 у Бабруйску, ён не абскарджваў прысуд.
Прысуд Уладзіміру Булаўскаму быў вынесены 26 мая ў судзе Першамайскага раёна Віцебска — два гады калоніі ва ўмовах агульнага рэжыму. Яго абвінавацілі паводле арт. 342-2 Крымінальнага кодэкса «Неаднаразовае парушэнне парадку арганізацыі або правядзення масавых мерапрыемстваў». Справу разглядаў суддзя Міхаіл Юрчанка.
На судзе Уладзімір не прызнаў віну і даваў паказанні на беларускай мове. Палітвязню блакуюць ліставанне, і ён амаль не атрымлівае вестачкі з волі.
Чытайце таксама:
На волю выйшлі два палітвязні, асуджаныя па «справе карагодаў»