Самалёт Яўгена Прыгожына позна ўвечары вылецеў з Мачулішчаў — «Беларускі Гаюн»
Маніторынгавая група «Беларускі Гаюн» заўважыла, што ў 22:39 27 чэрвеня бізнэсджэт Embraer Legacy 600 (рэг. нумар RA-02795), які належыць кіраўніку ПВК «Вагнер» Яўгену Прыгожыну, узляцеў з вайсковага аэрадрома ў Мачулішчах і накіраваўся ў бок Расіі.
Такім чынам, самалёт Прыгожына, які прыляцеў у Мінск раніцай таго ж дня, прабыў у Мачулішчах роўна 14 гадзін і 59 хвілін.
Акрамя таго, услед за ім з Мачулішчаў узляцеў і другі бізнэсджэт (RA-02878), які таксама прыляцеў у Беларусь раніцай 27 чэрвеня.
У той жа час Motolko.Help даведаўся, што Лукашэнка ў гэты дзень увечары, недзе прыблізна з 17:00 до 22:00, пяць гадзін правёў у сваёй рэзідэнцыі на Мінскім моры. Можна меркаваць, што акурат там ён мог праводзіць сустрэчу з Прыгожыным.
Чытайце таксама: