Краіны ШАС запусцілі працэдуру далучэння Беларусі
У Шанхайскую арганізацыю супрацоўніцтва (ШАС), у якую дагэтуль уваходзілі Кітай, Індыя, Расія, Казахстан, Кыргызстан, Пакістан, Таджыкістан і Узбекістан, афіцыйна ўступіў Іран. Рашэнне прынялі на саміце кіраўнікоў дзяржаў ШАС у сталіцы Індыі Нью-Дэлі. Адначасова лідары краін ШАС падпісалі мемарандум аб абавязацельствах Беларусі для далучэння да арганізацыі.
Падпісанне гэтага мемарандума запускае працэдуру паўнавартаснага далучэння Беларусі да ШАС, як гаворыцца ў паведамленні. Першапачаткова яна была запрошаная на саміт у якасці назіральніка.
Заяўку на ўступленне ў ШАС Беларусь падала ў мінулым годзе.
Краіны ШАС у сумеснай дэкларацыі падкрэслілі неабходнасць «мірнага ўрэгулявання рознагалоссяў паміж краінамі» шляхам дыялогу. У заяве таксама гаворыцца, што, маўляў, аднабаковыя эканамічныя санкцыі несумяшчальныя з міжнародным правам і негатыўна ўплываюць на ўзаемныя стасункі.
Чытайце таксама:
Шматвектарная палітыка Беларусі ў адным ФОТА
«Не бачым прычын не падтрымаць». Кітай не супраць вяртання Украіне ўсіх яе тэрыторый, уключаючы Крым