Памятаеце, як Літва паставіла на мяжы шчыты з папярэджаннем не ехаць у Беларусь? Гісторыя атрымала працяг
Свае плакаты выставілі ў адказ беларускія ўлады.
Літоўскія ўлады 9 жніўня паставілі шчыты на мяжы з папярэджаннямі пра рызыкі пры паездках у Беларусь. «Не рызыкуй сваёй бяспекай, не едзь у Беларусь, можаш не вярнуцца», — напісана на шчытах на літоўскай і англійскай мовах.
Беларускія ўлады са свайго боку вырашылі таксама размясціць плакаты.
Плакат, які з'явіўся з беларускага боку ў пункце пропуску «Лоша»
«Будзьце асцярожныя! Вы можаце ніколі не вярнуцца! Немагчыма не ўлюбіцца ў Беларусь з першага погляду.
Міністэрства замежных спраў папярэджвае: Беларусь заваюе ваша сэрца і вы застаняцеся там назаўсёды», — напісана на ім па-англійску і па-літоўску.
Наколькі вядома, плакат у памежным пункце пропуску «Лоша» павесілі ўчора — за дзень да закрыцця пункту.
Чытайце таксама:
Літва паставіла на мяжы шчыты з папярэджаннямі пра рызыкі пры паездках у Беларусь
Памежныя пераходы «Шумск» — «Лоша» і «Цверач» — «Відзы» спынілі працу
Стала вядома, колькі чалавек праходзіла праз закрытыя Літвою памежныя пункты
Літоўскі дэпутат пра закрыццё двух памежных пераходаў: Гэта сігнал Лукашэнку