Беспілотнік уначы зноў трапіў у будынак Масквы-Сіці
Уначы 23 жніўня беспілотнікі зноў атакавалі сталіцу Расіі, адзін з іх трапіў у маскоўскі бізнэс-цэнтр «Масква-Сіці».
«Гэтай ноччу СПА збіла беспілотнік у Мажайскім раёне Маскоўскай вобласці. Другі БПЛА трапіў у будынак, які будуецца ў Маскве-Сіці, напісаў у сваім тэлеграме мэр расійскай сталіцы Сяргей Сабянін.
Са слоў Сабяніна, на месца выбуху выехалі аператыўныя службы, папярэдне пацярпелых няма.
Расійскія тэлеграм-каналы апублікавалі відэа трапляння беспілотніка ў будынак Масквы-Сіці. На іх бачная яркая ўспышка пасля выбуху.
Паведамляецца, што атакаваны будынак пашкоджаны на ўзроўні 10-15 паверхаў.
30 ліпеня, 1 жніўня і 18 жніўня беспілотнікі ўжо атакавалі Маскву-Сіці.
Чытайце таксама:
Беспілотнік зноў атакаваў Маскву. Пашкоджаны «Экспацэнтр»