Bieśpiłotnik unačy znoŭ trapiŭ u budynak Maskvy-Sici
Unačy 23 žniŭnia bieśpiłotniki znoŭ atakavali stalicu Rasii, adzin ź ich trapiŭ u maskoŭski biznes-centr «Maskva-Sici».
«Hetaj nočču SPA źbiła bieśpiłotnik u Mažajskim rajonie Maskoŭskaj vobłaści. Druhi BPŁA trapiŭ u budynak, jaki budujecca ŭ Maskvie-Sici, napisaŭ u svaim telehramie mer rasijskaj stalicy Siarhiej Sabianin.
Sa słoŭ Sabianina, na miesca vybuchu vyjechali apieratyŭnyja słužby, papiarednie paciarpiełych niama.
Rasijskija telehram-kanały apublikavali videa traplańnia bieśpiłotnika ŭ budynak Maskvy-Sici. Na ich bačnaja jarkaja ŭspyška paśla vybuchu.
Paviedamlajecca, što atakavany budynak paškodžany na ŭzroŭni 10-15 pavierchaŭ.
30 lipienia, 1 žniŭnia i 18 žniŭnia bieśpiłotniki ŭžo atakavali Maskvu-Sici.
Čytajcie taksama:
Bieśpiłotnik znoŭ atakavaŭ Maskvu. Paškodžany «Ekspacentr»
Bieśpiłotnik znoŭ udaryŭ pa chmaračosie ŭ Maskva-Sici
Pad ranicu drony atakavali 50-paviarchovyja viežy Maskvy-Sici