Расія страціла больш за 60 танкаў і БТР у наступе пад Аўдзееўкай — Bild
Паводле звестак вайсковага эксперта Юльяна Рэпке, Узброеныя сілы Расіі перайшлі ў наступ пад Аўдзееўкай з чацвярга, паспрабаваўшы акружыць горад, піша Bild.
Фота: Bild
У атаку пайшлі калоны з больш чым 100 адзінак тэхнікі: танкі, БТР, БМП, грузавікі. Яны трапілі пад агонь артылерыі і супрацьтанкавай кіраванай ракеты і былі адкінутыя.
Паводле ацэнкі Рэпке, забітыя больш за 200 расейскіх жаўнераў, страчана больш за 60 танкаў і БТР.
План расійскіх войскаў быў у тым, каб стварыць вялікі кацёл, абышоўшы Аўдзееўку з захаду. Для гэтага яны хацелі захапіць пасёлкі Паўночнае, Стэпавае і Бердычы.
УСУ змаглі спыніць наступ пад Паўночным і на чыгуначнай лініі ў Стэпавым.
Паводле звестак Рэпке, нягледзячы на страты, УС РФ не маюць намеру адмаўляцца ад наступу на Аўдзееўку, горад можа паўтарыць лёс Бахмута.
Чытайце таксама:
Расійская армія вядзе масіраваны штурм Аўдзееўкі. Што там адбываецца і чаму гэта важна
У выніку расійскага абстрэлу Аўдзееўкі загінуў пяцімесячны хлопчык