Генштаб УСУ: Расійскія войскі актывізавалі наступ у раёне Аўдзееўкі і Першамайскага ў Данецкай вобласці
Генеральны штаб Узброеных сіл Украіны ў зводцы раніцай 11 кастрычніка паведаміў, што за мінулыя суткі расійскія войскі пачалі больш актыўна наступаць на аўдзееўскім кірунку.
Праціўнік сіламі да трох батальёнаў пры падтрымцы танкаў і браніраваных машын актывізаваў наступальныя дзеянні ў раёнах Аўдзееўкі, Тоненькага, Кераміка і Першамайскага Данецкай вобласці.
Украінскія вайскоўцы адбілі ўсе атакі і не дапусцілі страт межаў і пазіцый. Генштаб УСУ таксама паведаміў, што ў цэлым за суткі на ўсёй лініі фронту было зафіксавана 108 боесутыкненняў, што значна больш, чым у сярэднім за апошнія дні.
Авіяцыйным ударам падвергліся: Блешня Чарнігаўскай вобласці; Бачэўск і Папоўка Сумскай вобласці; Басовае, Гацішча, Ваўчанскія Хутары, Сінькоўка, Кіслаўка, Пясчанае Харкаўскай вобласці; Серабранскае лясніцтва, Навалюбаўка Луганскай вобласці; Часаў Яр, Клешчэеўка, Андрэеўка, Бердзічы, Аўдзееўка, Новаміхайлаўка, Старамаёрскае Данецкай вобласці; Малая Такмачка, Новаданілаўка Запарожскай вобласці.
Пад артылерыйскім агнём апынулася больш за 130 населеных пунктаў Чарнігаўскай, Сумскай, Харкаўскай, Луганскай, Данецкай, Запарожскай і Херсонскай абласцей.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары