Украінскі Генштаб ускосна пацвердзіў паведамленні аб новым дэсанце на левы бераг Дняпра

Украінскі Генштаб у зводцы на раніцу чацвярга ўскосна пацвердзіў паведамленні аб новым дэсанце на левы бераг Дняпра: сярод населеных пунктаў, па якіх наносіла ўдары расійская авіяцыя, значыцца сяло на левым беразе, да якога, па паведамленнях ваенных блогераў, дайшлі ўкраінскія марпехі.

Google.maps

«На херсонскім кірунку акупанты нанеслі авіяцыйныя ўдары непадалёк ад Новаберыслава, Казацкага, Ольгаўкі, Прыдняпроўскага і Пясчанаўкі Херсонскай вобласці», — гаворыцца ў зводцы.

Пясчанаўка — гэта сяло на левым беразе, частку якога разам з суседняй вёскай Пойма, паводле паведамленняў расійскіх ваенных блогераў, два дні таму занялі ўкраінскія марскія пехацінцы, якія высадзіліся на акупаваным левабярэжжы, піша Бі-бі-сі.

Пойма і Пясчанаўка размешчаныя прыкладна за тры з паловай кіламетры ад берага Дняпра, а згаданае ў зводцы Прыдняпроўскае — насупраць іх на правым беразе, які кантралююць законныя ўлады Украіны.

У Прыдняпроўскім знаходзіцца чыгуначны мост цераз Дняпро, а далей чыгунка праходзіць праз Пойму.

Чытайце таксама:

Расійская армія вядзе масіраваны штурм Аўдзееўкі. Што там адбываецца і чаму гэта важна

Падаляк пра контрнаступ: Мы адстаем ад графіка на шэсць-дзевяць месяцаў

Чаму Украіна не здолела прарвацца да Азоўскага мора? І што гэта значыць для рэгіёна?

Каментары да артыкула