Падаляк пра контрнаступ: Мы адстаем ад графіка на шэсць-дзевяць месяцаў
Дарадца кіраўніка Офіса прэзідэнта адзначыў, што Украіна пачала актыўна прасіць даць зброю і тэхніку яшчэ восенню мінулага года.
Міхаіл Падаляк заявіў, што адставанне ад графіка контрнаступу, які пачаўся ў чэрвені, складае шэсць-дзевяць месяцаў. З ягоных слоў, прычына гэтага — затрымка паставак зброі заходнімі партнёрамі.
«Мы з вамі з графіка выпадаем на шэсць-дзевяць месяцаў»,— сказаў Міхаіл Падаляк у інтэрв'ю «24 каналу». Ён адзначыў, што Украіна пачала актыўна прасіць даць зброю і тэхніку яшчэ восенню мінулага года, піша «Коммерсант».
Напярэдадні начальнік Галоўнага ўпраўлення разведкі Мінабароны Украіны Кірыл Буданаў заявіў, што ўкраінскія вайскоўцы выбіліся з графіка вядзення баявых дзеянняў.
«Буданаў абсалютна мае рацыю: калі дамовіліся, а праз месяц атрымалі ўсё неабходнае, гэта адна гісторыя. Калі дамовіліся, а атрымалі праз восем месяцаў, гэта іншая гісторыя. Вядома, мы выпалі з графіка», — патлумачыў Міхаіл Падаляк.
У пачатку кастрычніка каардынатар стратэгічных камунікацый Рады нацыянальнай бяспекі Белага дома Джон Кірбі заявіў, што ва Узброеных Сіл Украіны ёсць шэсць-восем тыдняў для паспяховага правядзення аперацый у рамках контрнаступлення.
Украіна пачала маштабны контрнаступ у чэрвені гэтага года. У канцы верасня The New York Times прааналізавала ход баявых дзеянняў з пачатку года. Паводле даных выдання, Расія заняла на 302 кв. км больш, чым Украіна, хоць лінія фронту амаль не змянілася.
Цяпер чытаюць
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай6
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары