За апошнія дні памяняліся адразу шэсць начальнікаў РАУС
Новых кіраўнікоў мясцовай міліцыі прадставілі ў пяці раёнах Беларусі 4-5 снежня. Яшчэ адзін новы начальнік РАУС быў прадстаўлены калектыву ў канцы лістапада, заўважыла «Люстэрка». Пра прычыны кадравых перастановак не паведамлялася.
Прадстаўленне новага кіраўніка Баранавіцкага раённага аддзела ўнутраных спраў, 5 снежня 2023 года. Фота: УУС Брэсцкага аблвыканкама
У Брэсцкай вобласці міліцэйскія начальнікі змяніліся ў Баранавіцкім, Жабінкаўскім і Іванаўскім раёнах. У Магілёўскай вобласці прызначылі новага кіраўніка РАУС у Касцюковічах, на Віцебшчыне — у Шуміліне, а ў Гродзенскай вобласці — у Воранаве.
У паведамленні аб новых начальніках РАУС у Жабінкаўскім і Іванаўскім раёнах гаворыцца, што яны прызначаныя загадам кіраўніка МУС ад 30 лістапада 2023 года. Іванаўская газета ўдакладняе назву дакумента: гэта «загад міністра ўнутраных спраў №498 па асабовым складзе ад 30 лістапада гэтага года».
У Шуміліна перавялі ўжо былога кіраўніка Талачынскага РАУС. У Жабінцы, Баранавічах і Калінкавічах новыя начальнікі былі намеснікамі кіраўнікоў мясцовых аддзелаў. У Воранава прыехаў былы намеснік начальніка з Навагрудка, а ў Іванава прызначылі чалавека з УУС — ён быў намеснікам начальніка абласнога наркакантролю.
Прычыны такіх кадравых пераменаў не называліся.
Чытайце таксама:
У Шчучыне памёр начальнік міліцыі грамадскай бяспекі, сваяк міністра Маркевіча