Za apošnija dni pamianialisia adrazu šeść načalnikaŭ RAUS
Novych kiraŭnikoŭ miascovaj milicyi pradstavili ŭ piaci rajonach Biełarusi 4-5 śniežnia. Jašče adzin novy načalnik RAUS byŭ pradstaŭleny kalektyvu ŭ kancy listapada, zaŭvažyła «Lusterka». Pra pryčyny kadravych pierastanovak nie paviedamlałasia.
Pradstaŭleńnie novaha kiraŭnika Baranavickaha rajonnaha adździeła ŭnutranych spraŭ, 5 śniežnia 2023 hoda. Fota: UUS Bresckaha abłvykankama
U Bresckaj vobłaści milicejskija načalniki źmianilisia ŭ Baranavickim, Žabinkaŭskim i Ivanaŭskim rajonach. U Mahiloŭskaj vobłaści pryznačyli novaha kiraŭnika RAUS u Kaściukovičach, na Viciebščynie — u Šumilinie, a ŭ Hrodzienskaj vobłaści — u Voranavie.
U paviedamleńni ab novych načalnikach RAUS u Žabinkaŭskim i Ivanaŭskim rajonach havorycca, što jany pryznačanyja zahadam kiraŭnika MUS ad 30 listapada 2023 hoda. Ivanaŭskaja hazieta ŭdakładniaje nazvu dakumienta: heta «zahad ministra ŭnutranych spraŭ №498 pa asabovym składzie ad 30 listapada hetaha hoda».
U Šumilina pieraviali ŭžo byłoha kiraŭnika Tałačynskaha RAUS. U Žabincy, Baranavičach i Kalinkavičach novyja načalniki byli namieśnikami kiraŭnikoŭ miascovych adździełaŭ. U Voranava pryjechaŭ były namieśnik načalnika z Navahrudka, a ŭ Ivanava pryznačyli čałavieka z UUS — jon byŭ namieśnikam načalnika abłasnoha narkakantrolu.
Pryčyny takich kadravych pieramienaŭ nie nazyvalisia.
Čytajcie taksama:
U Ščučynie pamior načalnik milicyi hramadskaj biaśpieki, svajak ministra Markieviča