Пад Полацкам вадзіцель не справіўся з кіраваннем і зляцеў у раку. Загінуў 11-гадовы хлопчык
Аварыя адбылася 23 снежня каля поўдня паблізу в. Заскоркі.
Фота: ДАІ Віцебска
Вадзіцель Audi на закругленні дарогі не справіўся з кіраваннем, машыну вынесла на абочыну, дзе яна перакулілася і ўпала ў раку, паведамляе ДАІ Віцебска.
11-гадовае дзіця, якое апынулася пад вадой, памерла на месцы здарэння.
55-гадовага кіроўцу і 38-гадовую жанчыну-пасажырку даставілі ў бальніцу.