Pad Połackam vadziciel nie spraviŭsia z kiravańniem i źlacieŭ u raku. Zahinuŭ 11-hadovy chłopčyk
Avaryja adbyłasia 23 śniežnia kala poŭdnia pablizu v. Zaskorki.
Fota: DAI Viciebska
Vadziciel Audi na zakruhleńni darohi nie spraviŭsia z kiravańniem, mašynu vyniesła na abočynu, dzie jana pierakuliłasia i ŭpała ŭ raku, paviedamlaje DAI Viciebska.
11-hadovaje dzicia, jakoje apynułasia pad vadoj, pamierła na miescy zdareńnia.
55-hadovaha kiroŭcu i 38-hadovuju žančynu-pasažyrku dastavili ŭ balnicu.