38-гадовы Крышціяну Раналду за год забіў больш за ўсіх галоў у свеце — 54!
Партугальскі нападаючы Крышціяну Раналду за 2023 год забіў 54 галы. Гэта найлепшы вынік у свеце. Праўда, цяпер футбаліст гуляе за «Аль-Наср» з Саудаўскай Аравіі, і ўзровень яго супернікаў не надта высокі.
44 галы Крышціяну Раналду сёлета забіў за арабаў, яшчэ 10 за зборную Партугаліі.
Крышціяну Раналду. Фота: Armando Franca / AP
Звяртае на сябе ўвагу і ўзрост футбаліста, праз месяц яму споўніцца 39 гадоў.
Англічанін Хары Кейн з «Баварыі» і француз Кіліян Мбапэ з «ПСЖ» забілі 52 галы, нарвежац Эрлінг Холанд з «Манчэстэр Сіці» — 50 галоў.
Агулам жа ў Раналду за кар’еру 873 галы, гэта найлепшыя лічбы ў гісторыі футбола.
Чытайце таксама:
На гадавіну смерці Пеле ў яго футболку «адзелі» статую Хрыста ў Рыа ФОТАФАКТ
Матч за Суперкубак Турцыі, што меўся прайсці ў Саудаўскай Аравіі, адмянілі з-за цытат Атацюрка
Легенда футбола заявіў пра жаданне прыехаць у Беларусь, хаця пра яе амаль нічога не ведае