«Я беларус, мы заўсёды размаўлялі па-руску». Арцём Мілеўскі паразважаў пра ўкраінскую мову і злавіў хейт
Былы футбаліст зборнай Украіны, які нарадзіўся ў Мінску, пасля рэабілітацыі ў бальніцы паступова вяртаецца ў публічную прастору. Перад Новым годам ён вырашыў правесці дабрачынны стрым, частку данатаў з якога паабяцаў перавесці на пратэзаванне вайскоўцаў.
Падчас трансляцыі Мілеўскаму прыляталі розныя пытанні. Напрыклад, чаму ён не размаўляе па-ўкраінску.
«У нас не было ўкраінскай школы, мы заўсёды трэніраваліся, не было часу вучыць мову. Тым больш усе размаўлялі па-руску», — цытуе былога спартоўца ўкраінская «Трыбуна».
Пасля ён паспрабаваў развіць сваю думку, згадаўшы і сваё паходжанне.
«Не лічу, што гэта так важна цяпер — размаўляць на ўкраінскай мове. Трэба мець сваю нейкую пазіцыю. І шматлікія вайскоўцы, якія ваююць, — яны многія гавораць па-руску. Ніякай праблемы ў гэтым я ня бачу. І ўвогуле я — беларус, мы размаўлялі заўсёды на рускай. Таму не лічу, што гэта асабліва важна», — заявіў Мілеўскі.
Большасць каментароў пад артыкулам — гэта крытыка і абразы. Як Мілеўскага, так і беларусаў, якія не хочуць гаварыць на сваёй мове.
Таксама яго спыталі пра стан і цяперашнія адносіны да алкаголю. Футбаліст адказаў, што цяпер у яго бару няма, толькі чай і вадзічка.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары