Просты сняданак з новым акцэнтам: тварог з запечанымі клубніцамі
З тварагом выдатна спалучаюцца запечаныя клубніцы, аўсяныя шматкі і какосавая стружка — разам яны ствараюць смачны сняданак, багаты бялком.
Фота: freepik.com
Магчыма, спалучэнне тварагу і ягад ці садавіны не ёсць для вас нечым новым, але калі вы крыху падсмажыце трускалкі, гэта даволі істотна зменіць смак стравы. Запяканне клубніц узмоцніць іх смак і салодкасць, а таксама дапаможа ягадам выпусціць крыху соку, што створыць натуральны соус для змешвання з тварагом.
- 1 кубак тварагу
- 8 клубніц, разрэзаных на чвэрткі
- ¼ шклянкі аўсяных шматкоў
- 2 сталовыя лыжкі несалодкай какосавай стружкі
- 2 чайныя лыжкі мёду ці кляновага сіропу + больш, калі трэба
- шчопаць карыцы
Як гатаваць:
- Разагрэйце духоўку да 180℃.
- Падрыхтуйце складнікі для запякання: змяшайце клубніцы, аўсяныя шматкі, мёд ці кляновы сіроп, какос і карыцу ў невялікай місцы. Засцяліце бляху пергаментам і выкладзіце на яе ягадную сумесь.
- Запякайце ягадную сумесь каля 30 хвілін, перамяшайце адзін раз у сярэдзіне гатавання. Дайце ягадам астыць 5 хвілін.
- Выкладзіце тварог у міску. Дадайце зверху запечаныя ягады і атрымлівайце асалоду! Калі тварог недастаткова салодкі, можна дадаць крыху мёду ці кляновага сіропу.
Чытайце таксама:
Брэсцкі мясакамбінат выпусціў варэнікі з какосам
Аўсянка можа быць асабліва карыснай вось з якімі дадаткамі
Рэцэпт на выхадныя. Тварожны пірог — просты, хуткі, смачны
«Кармушка», мёд мядніцай і скарынка хлеба — ласункі з мінулага