Яшчэ адна краіна вырашыла легалізаваць эўтаназію
Рашэнне прыняў Канстытуцыйны суд Эквадора пасля пазову жанчыны, якая пакутуе ад бакавога аміятрафічнага склерозу.
Рашэнне было вынесена пасля разгляду пазову 42-гадовай Паолы Рольдан, якая на працягу трох гадоў пакутуе на бакавы аміятрафічны склероз і прыкаваная да ложка, піша Universo.
Эўтаназія — гэта пазбаўленне чалавека жыцця, якое ўжываецца ў якасці магчымасці спыніць яго пакуты ад старасці або хваробы.
Яна бывае пасіўнай і актыўнай: у першым выпадку пацыент адмаўляецца ад далейшага лячэння, што паскарае смерць, пры актыўнай доктар уводзіць пацыенту смяротную дозу прэпарата.
Актыўная эўтаназія дазволена ў Бельгіі, Іспаніі, Люксебургу, Нідэрландах, Швейцарыі і шэрагу амерыканскіх штатаў.
Чытайце таксама:
Дзіцячая эўтаназія — што паказвае досвед Бельгіі ў гэтай сферы і чаму гэта важна