Рамзан Кадыраў прызначыў свайго 18-гадовага сына міністрам
18-гадовы старэйшы сын Рамзана Кадырава Ахмат прызначаны міністрам па справах моладзі Чачні. Таксама ён атрымаў вышэйшую ўзнагароду рэспублікі. Пра гэта паведаміў спікер чачэнскага парламента Магамед Даудаў.
Ахмат Кадыраў
Ордэн, які атрымаў Ахмат Кадыраў, заснаваны ў гонар ягонага дзеда і былога кіраўніка Чачні, якога таксама звалі Ахмат Кадыраў.
Раней 18-гадовы сын Рамзана Кадырава займаў пасаду намесніка міністра Чачні па фізічнай культуры, спорце і моладзевай палітыцы.
«Ахмат паказаў сябе як эфектыўны кіраўнік, які адрозніваецца адказным і пісьменным падыходам да любой справы. За такі невялікі тэрмін ён зрабіў істотны ўнёсак у моладзевую палітыку, арганізаваўшы мноства запамінальных акцый», — па ўсіх канонах усходняй ліслівасці выступіў Магамед Даудаў, уручаючы Ахмату Кадыраву ўзнагароду.
Дзеці і іншыя сваякі Рамзана Кадырава рэгулярна атрымліваюць узнагароды розных узроўняў і пасады ў Чачні.
Чытайце таксама:
Сын кіраўніка Чачні атрымаў узнагароду за спаборніцтвы, у якіх ён не ўдзельнічаў
Кадыраў прапанаваў абмяняць палонных украінцаў на зняцце санкцый са сваіх коней
Кадыраў публічна пашкадаваў, што ягоны сын не забіў чалавека ў СІЗА