BIEŁ Ł RUS

Ramzan Kadyraŭ pryznačyŭ svajho 18-hadovaha syna ministram

17.02.2024 / 22:14

Nashaniva.com

18-hadovy starejšy syn Ramzana Kadyrava Achmat pryznačany ministram pa spravach moładzi Čačni. Taksama jon atrymaŭ vyšejšuju ŭznaharodu respubliki. Pra heta paviedamiŭ śpikier čačenskaha parłamienta Mahamied Daudaŭ.

 

Achmat Kadyraŭ

Orden, jaki atrymaŭ Achmat Kadyraŭ, zasnavany ŭ honar jahonaha dzieda i byłoha kiraŭnika Čačni, jakoha taksama zvali Achmat Kadyraŭ.

Raniej 18-hadovy syn Ramzana Kadyrava zajmaŭ pasadu namieśnika ministra Čačni pa fizičnaj kultury, sporcie i moładzievaj palitycy.

«Achmat pakazaŭ siabie jak efiektyŭny kiraŭnik, jaki adroźnivajecca adkaznym i piśmiennym padychodam da luboj spravy. Za taki nievialiki termin jon zrabiŭ istotny ŭniosak u moładzievuju palityku, arhanizavaŭšy mnostva zapaminalnych akcyj», — pa ŭsich kanonach uschodniaj liślivaści vystupiŭ Mahamied Daudaŭ, uručajučy Achmatu Kadyravu ŭznaharodu. 

Dzieci i inšyja svajaki Ramzana Kadyrava rehularna atrymlivajuć uznaharody roznych uzroŭniaŭ i pasady ŭ Čačni.

Čytajcie taksama:

Syn kiraŭnika Čačni atrymaŭ uznaharodu za spabornictvy, u jakich jon nie ŭdzielničaŭ

Kadyraŭ prapanavaŭ abmianiać pałonnych ukraincaŭ na źniaćcie sankcyj sa svaich koniej

Kadyraŭ publična paškadavaŭ, što jahony syn nie zabiŭ čałavieka ŭ SIZA

Čytajcie taksama:

Kamientary da artykuła