У цэнтры Мінска прайшла вечарына «Данбас у нашым сэрцы» ФОТЫ
24 лютага ў Доме Масквы ў Мінску прайшло мерапрыемства пад назвай «Данбас у нашым сэрцы». Кароткую справаздачу з яго дала ў сваім тэлеграм-канале прапагандыстка Ксенія Лебедзева, якая была на гэтай вечарыне не проста ўдзельніцай, а нават вядучай.
Арганізатарамі мерапрыемства былі расійскае пасольства ў Беларусі, «Зямляцтва Данбаса» і «Рух Саюз».
Як піша Лебедзева, «на мерапрыемстве выступілі як вакальныя выканаўцы, так і паэты, грамадскія дзеячы з Расіі і Беларусі».
Сярод іншых на гэтай вечарыне засвяціліся прапагандысты Рыгор Азаронак і Людміла Гладкая, прадстаўленыя Лебедзевай як «ваенныя карэспандэнты», выканаўца «сучаснай патрыятычна-маральнай песні» Цімур Прахін, ладзіла выставу сваіх карцін і фатаграфій мастачка Святлана Жыгімонт.
А ганаровым госцем быў цяперашні дырэктар Нацыянальнай бібліятэкі і ўжо амаль дэпутат Палаты прадстаўнікоў, вядомы прыхільнік «рускага свету» Вадзім Гігін.
Чытайце таксама:
«Не раз намякалі «актывістцы» спыніць беларусафобію». Азаронак абрынуўся на Мірсалімаву
Мы еўрапейцы ці еўразійцы? Марзалюк узбаламуціў лукашысцкія тэлеграм-каналы