Кот Майсей рэгулярна займаецца плаваннем, каб схуднець да лета
Дзевяцігадовы кот важыў амаль 10 кг. Ён пачаў сваё падарожжа па зніжэнні вагі з гідратэрапіі і страціў амаль 1 кг за шэсць тыдняў, піша Бі-бі-сі.
«Я трымала яго на строгай дыеце, але гэта зусім не дапамагала. Яму проста не было цікава выходзіць на вуліцу, быць актыўным, гуляць з цацкамі», — кажа гаспадыня Джэна Джошы з Бэнберы.
Але цяпер Джэна ганарыцца Майсеем. Ветэрынар таксама задаволены вынікамі.
«Мы робім прагрэс. Спачатку было цяжка, а цяпер ён не скардзіцца і дакладна ведае, што яму трэба рабіць, калі ідзе на сеансы».
Але Майсей працягвае здзіўляць нават вопытных ветэрынарных гідратэрапеўтаў. Алівія Стокс сказала, што за 5 гадоў працы ў індустрыі яна ні разу не бачыла ката ў вадзе.
«Бо каты звычайна не любяць ваду, — кажа жанчына.
Чытайце таксама:
У Вілейскім раёне святар вымушаны клапаціцца пра катоў, якія засталіся ад памерлай прыхаджанкі
У Салігорску неабыякавыя людзі выратавалі напалоханае кацяня ФОТАФАКТ
Беларускі святар адказаў на пытанне, ці можна пахрысціць ката