У Вілейскім раёне святар вымушаны клапаціцца пра катоў, якія засталіся ад памерлай прыхаджанкі
Да пробашча касцёла ў Альковічах самі прыйшлі двое катоў прыхаджанкі. З астатнімі жывёламі просяць дапамагчы валанцёры, піша katolik.life.
У нетыповай сітуацыі аказаўся пробашч Рымска-каталіцкай парафіі ў вёсцы Альковічы Вілейскага раёна. Там памерла 61-гадовая адзінокая парафіянка, якая забірала да сябе кінутых сабак і катоў. Жывёлы засталіся безгаспадарнымі пасля смерці гаспадыні — зараз пробашч парафіі ксёндз Анатоль Парахневіч вымушаны клапаціцца пра жывёл.
Святар узяў да сябе двух катоў, якія прыйшлі да яго з дому памерлай гаспадыні. А астатніх жывёл пакуль падкормліваюць жыхары вёскі. Сам святар распавёў пра сітуацыю Kraj.by:
«Катоў і сабак падкідвалі дачнікі, яна выходжвала шчанюкоў, якіх нараджала яе ж гадаванка. Парафіянка перастала прыходзіць на службы. 22 мая я прыйшоў да яе. Гляджу, а яна на ложку ляжыць мёртвая. Адна кошка сядзіць ля галавы гаспадыні, другая — у яе на грудзях».
Валанцёры падказваюць тэлефон ксяндза Анатоля і просяць неабыякавых звярнуцца да яго, каб дапамагчы разабраць жывёл: +375 29 611-16-00
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Ещё больше смайликов поставь, бестолочь!....