Пакуль Расія і Беларусь не могуць дамовіцца, Украіна далучылася да еўрапейскай зоны роўмінгу

Уладзімір Зяленскі падпісаў закон аб адзінай роўмінгавай зоне з ЕС, паведамляе РБК-Украіна.

Гаворка ідзе пра закон аб імплементацыі нормаў еўрапейскага заканадаўства ў роўмінгу. 

На практыцы гэта азначае, што падчас паездак у ЕС званкі, SMS і перадача даных уключаны ў хатні пакет паслуг, адпаведна паслугі роўмінгу даюцца без дадатковай платы. 

Таксама перавагамі агульнай роўмінгавай зоны змогуць скарыстацца і карыстальнікі еўрапейскіх аператараў, якія вандруюць па Украіне.

Беларусь і Расія дамовіліся адмяніць роўмінг паміж краінамі яшчэ ў 2018 годзе. Апошні раз яго адмену паабяцаў Пуцін падчас візіту ў Мінск у канцы траўня 2024 года.

Каментары да артыкула