Еўрасаюз пакуль не прыняў рашэння адносна новых санкцый супраць Беларусі
У Еўрапейскай радзе працягваюць абмяркоўваць новы санкцыйны пакет супраць Беларусі, але пакуль што яго перспектывы незразумелыя, паведаміў карэспандэнт «Радыё Свабода» ў Бруселі Рыкард Ёзвяк.
Фота ілюстрацыйнае
«Варта адзначыць, што санкцыям супраць Беларусі дагэтуль не дадзен зялёнае святло. Яны ўсё яшчэ абмяркоўваюцца з мэтай хутчэйшага дасягнення пагаднення», — напісаў Ёзвяк у сацсетцы X.
Раней у краін Еўраcаюза ўзнікалі рознагалоссі датычна новых санкцый супраць Беларусі і ўніфікацыі іх з абмежаваннямі ў дачыненні Расіі. Так, Германія выступіла супраць забароны на пастаўкі ў Беларусь дарагіх аўтамабіляў.
Між тым адносна новага, ужо 14-га пакета санкцый Еўрасаюза пазіцыі нібыта ўдалося ўзгадніць, і да канца месяца ён мае быць зацверджаны.
Чытайце таксама:
Амбасадары краін Еўрасаюза ўзгаднілі 14-ы пакет санкцый супраць Расіі. Яны тычацца нафты і газу
Пад новыя санкцыі ЗША трапілі яшчэ некалькі беларускіх прадпрыемстваў і фізічных асоб
ЕС хоча забараніць экспарт у Беларусь прадукцыі і тэхналогій падвойнага прызначэння
Яшчэ шэсць беларускіх кампаній трапілі пад санкцыі ЗША
Шрайбман прапануе Захаду перагледзець стратэгію адносна Беларусі