Польшча ўзмацніла ахову мяжы з Беларуссю вайсковай жандармерыяй
Супрацоўнікі польскай вайсковай жандармерыі пачалі службу на мяжы з Беларуссю з 24 чэрвеня, паведамляе сама гэта структура ў сацсетцы X.
Фота: AP Photo / Michal Dyjuk
Польскія жандары будуць выконваць задачы па патруляванні, кантролі паводзін натоўпу, а таксама будуць праводзіць трэніроўкі для вайскоўцаў спецыяльнага падраздзялення Podlasie па гарантаванни грамадскай бяспекі і парадку.
У канцы мая прэм'ер-міністр Польшчы Дональд Туск заявіў, што на польска-беларускую мяжу накіруюць дадатковыя сілы польскага войска і паліцыі.
З 13 чэрвеня Польшча ўвяла буферную зону на мяжы з Беларуссю, забарона будзе дзейнічаць цягам 90 дзён.
Чытайце таксама:
«Маглі з беларускімі памежнікамі закурыць цыгарэту». Як жыве польскае памежжа з буфернай зонай
Туск: Польшча пачала інтэнсіўную працу над фартыфікацыяй мяжы з Беларуссю