Віктар Орбан анансаваў «новы сюрпрыз» на панядзелак
Паводле яго слоў, гэта будзе паездка, лакацыю якой ён пакуль не называе.
Прэм'ер Італіі Джорджа Мелоні скептычна глядзіць на Віктара Орбана. Photo by Thierry Monasse / Getty Images
Паводле словаў прэм'ера Венгрыі, гэта будзе паездка, лакацыю якой ён пакуль не называе. Пра гэта прэм'ер Венгрыі заявіў у інтэрв'ю рэпарцёру швейцарскай газеты Die Weltwoche на борце самалёта з Масквы ў Баку, піша «Палітыка краіны».
Па словах Орбана, «еўрапейскія бюракраты ніколі не ўсталююць мір». Для гэтага патрэбная палітычная воля дзяржаўнага дзеяча-палітыка, але не чыноўніка (верагодны намёк на Трампа).
Апошні прыклад, з яго пункту гледжання, — Нікаля Сарказі, які ў жніўні 2008 года паляцеў спыняць вайну Расіі і Грузіі.
З 1 ліпеня Венгрыя старшынюе ў ЕС. Орбан за тыдзень наведаў Кіеў, Маскву і Баку.
Чытайце таксама:
Орбан прыбыў у Кіеў і паабяцаў «першыя крокі да міру» ўжо падчас візіту
Зяленскі патлумачыў, чаму не пагадзіўся на прапанову Орбана аб спыненні агню
Орбан і Пуцін правялі сустрэчу ў Маскве