Свет

Зяленскі патлумачыў, чаму не пагадзіўся на прапанову Орбана аб спыненні агню

Уладзімір Зяленскі публічна пракаментаваў прапанову прэмʼера Венгрыі Віктара Орбана падчас яго візіту ва Украіну. Па словах Зяленскага, нельга проста казаць аб спыненні агню, патрэбен план. Аб гэтым ён сказаў у інтэрвʼю Bloomberg TV, піша «Еўрапейская праўда».

Віктар Орбан з Уладзімірам Зяленскім у Кіеве. Фота: Ukrainian Presidential Press Office via AP

«Мы ў прынцыпе не можам давяраць Пуціну, таму што для нас ён забойца і агрэсар. Важна, што Венгрыя прызнае, што Расія — агрэсар, што прызнае тэрытарыяльную цэласнасць і суверэнітэт Украіны», — сказаў ён. 

Зяленскі нагадаў, што Украіна правяла «сотні сустрэч» яшчэ з часоў Мінскіх пагадненняў з дамоўленасцямі аб перамірʼі, і Расія ўсё гэта зрывала. 

«Таму толькі калі гэта будзе на зразумелай міжнароднай пляцоўцы ў прысутнасці краін, лідараў, якім давяраюць. У іх розныя меркаванні аб этапах заканчэння гэтай вайны, але мы ўсе павінны быць на адным баку, мы павінны давяраць адзін аднаму», — растлумачыў Зяленскі. 

Паводле яго слоў, трэба разуменне, што Расія не будзе выкарыстоўваць спыненне агню для назапашвання тэхнікі на акупіраванай тэрыторыі Украіны, калі Украіна, будучы звязанай умовамі перамірʼя, не будзе спыняць яе сваімі ўдарамі. 

Прэмʼер-міністр Венгрыі Віктар Орбан прызнаў, што Зяленскі ў размове адпрэчыў прапанаванае ім «перамірʼе» Украіны з Расіяй з замарожваннем бягучай лініі фронту. 

Орбан падчас візіту ў Кіеў заявіў, што прасоўваў ідэю неадкладнага перамірʼя, якая ёсць ва ўсіх прарасейскіх мірных планах, але не стаў настойваць на ёй. 

Паводле слоў Орбана, прэзідэнт Украіны заявіў, што сумняваецца ў логіцы плана Орбана і не падтрымлівае яго, паколькі ва Украіны дрэнны вопыт спроб перамірʼя з Расіяй. Падобныя перамірʼі «не былі добрымі для Украіны», пераказаў ягоныя словы Орбан. 

Таксама стала вядома, што пасля завяршэння сустрэчы лідараў у Кіеве кіраўнік МЗС Венгрыі патэлефанаваў расійскаму кіраўніку МЗС Сяргею Лаўрову.

Каментары

Цяпер чытаюць

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты6

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты

Усе навіны →
Усе навіны

Ціханоўская: Сённяшні дзень калісьці стане сапраўдным святам6

Знайшлося яшчэ адно пацвярджэнне таго, што «Амкадорам» кіруе не Шакуцін, а менеджары БелАЗа

На вайне знік без вестак «Беларус» — жыхар Бараўлянаў, які ўхіляўся ад беларускага войска, але пайшоў паміраць за Расію9

Па Мінску ўжо ездзяць першыя «васьмёркі». Усе самыя «прыгожыя» камбінацыі нумароў у ДАІ ўжо разабралі7

Сёння ноччу па ўсёй Беларусі быў мароз

Дзяўчына папрасіла ў казіно больш яе не пускаць, а яе адправілі ў падатковую

«Германія вяртаецца»: будучы канцлер Мерц дамовіўся аб рэформе абмежаванняў на дзярждоўг

Як выбраць фільм ці серыял на вечар? Сачыце за гэтымі рэсурсамі6

У Маладзечанскім раёне вяскоўцы змагаюцца з крамай, дзе прадаюць дрэнныя прадукты5

больш чытаных навін
больш лайканых навін

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты6

Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты

Галоўнае
Усе навіны →

Заўвага:

 

 

 

 

Закрыць Паведаміць