Украінцаў скарыла ВІДЭА, як ветэран на пратэзе разбірае завалы дзіцячай клінікі ў Кіеве. Аказалася, гэта беларус
Арцём Кузьміч «Грот» дапамагае ліквідаваць наступствы расійскага ўдару.
Скрыншот відэа
Украінскі твітар скарыла відэа, на якім ветэран УСУ з пратэзам дапамагае разбіраць завалы ў дзіцячай клініцы «Ахматдзет» у Кіеве пасля ракетнага ўдару.
Аказалася, што гэта беларус Арцём Кузьміч з пазыўным «Грот».
«Ветэран з пратэзам разбірае завалы «Ахматдзета». Калі бачу такое — вера ў нас перапаўняе», — падпісаў відэа ў X yurasov.pro.
Беларус Арцём Кузьміч абараняў Украіну з 2014 года ў «Азове». У 2019-м у 23 гады ён страціў нагу, але затым вярнуўся на вайсковую службу.
Арцём Кузьміч. Фота: асабісты альбом Арцёма Кузьміча
«Грот» служыў інструктарам украінскага спецназа, а таксама адкрыў спартовы клуб для параненых франтавікоў. Пра тое, як ён апынуўся на вайне, Арцём расказваў у вялікім інтэрв'ю «Нашай Ніве».
Чытайце таксама:
З'явілася відэа з момантам удару расійскай ракеты Х-101 па дзіцячай бальніцы «Ахматдзіт»