У выніку ракетнага ўдару расіян 8 ліпеня ў Кіеве было зафіксавана траплянне ў памяшканне Нацыянальнай дзіцячай спецыялізаванай бальніцы «Ахматдзет», там ёсць пацярпелыя. Пра гэта паведаміў кіраўнік Кіева Віталь Клічко.
Дырэктар дзіцячага цэнтра Уладзімір Жоўнір таксама пацвердзіў, што быў прылёт у адзін з карпусоў бальніцы. Цяпер там арганізуюць эвакуацыю і пераезд усіх, хто быў у памяшканні. Па даных УП, у шпіталі ёсць пацярпелыя.
У цэнтры разбураныя аперацыйныя, у момант абстрэлу там праходзілі дзве аперацыі, пішуць у сацсетках.
Пацыентаў эвакуююць у камунальныя бальніцы горада, паведаміў Клічко.
Як піша Уладзімір Зяленскі, расіяне сёння «масіравана атакавалі ракетамі Украіну». «Розныя гарады: Кіеў, Днепр, Крывы Рог, Славянск, Краматорск. Больш за 40 ракет розных тыпаў. Пашкоджаныя жылыя дамы, інфраструктура і дзіцячая бальніца», — напісаў Зяленскі.
На гэты момант вядома пра 5 загінулых у Кіеве і 10 — у Крывым Розе.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты23
Каментары