Жыхар Магілёўскага раёна хацеў «стральнуць» цыгарэту, а скраў даільны апарат
Вясковец зайшоў на ферму, але не знайшоў там ахоўніка. Спакуса аказалася вялікай.
Фота: Генпракуратура
Жыхар Магілёўскага раёна вяртаўся дадому пад градусам. Па дарозе 62-гадоваму мужчыну вельмі захацелася закурыць.
Ён зайшоў на ферму, дзе хацеў «стральнуць» цыгарэту ў ахоўніка. Але таго на месцы не аказалася. Ісці з пустымі рукамі мужчыну не захацелася — і ён узяў з сабой даільны апарат, паведамілі ў мясцовай міліцыі.
Збегаўшы дадому і пакінуўшы там здабычу, мужчына яшчэ раз вярнуўся на ферму разведаць абстаноўку. Ахоўніка там усё яшчэ не было, таму вясковец вырашыў забраць шланг і бітон да апарата.
Усё гэта мужчына хацеў прадаць, але не паспеў. Яго знайшлі супрацоўнікі міліцыі. Вынік — крымінальная справа за крадзеж.
Чытайце таксама:
У Мінску мужчына два гады абкрадаў кватэры, залазячы ў іх праз вокны
У Баранавічах злодзей скраў зарадку ад электракара, але не зразумеў, што гэта