У Баранавічах злодзей скраў зарадку ад электракара, але не зразумеў, што гэта
Зарадная прылада для электракара — даволі дарагая рэч.
Аднак, злодзей у Баранавічах наўрад ці ведаў, колькі яна каштуе, бо мэта была здаць прыладу ў пункт прыёму другаснай сыравіны. Ды ён і сам не зразумеў, што скраў, піша ABW.by.
Верагодна, гэта першы выпадак крадзяжу зараднай прылады ў міліцэйскіх зводках. А спадабалася 53-гадоваму жыхару Баранавічаў зарадная прылада на кантэйнеры ў двары прыватнага дома ў Баранавічах. Калі ён праходзіў міма дома, вароты былі адкрыты, гаспадароў не назіралася, і, убачыўшы скручаны дрот, ён скраў яго. Здаў на метал, атрымаў грошы і патраціў.
Аднак 73-гадовы мясцовы жыхар, уладальнік электракара, ацаніў шкоду ў 6500 рублёў. Ён хацеў зарадзіць электракар, але не знайшоў «зарадку» на кантэйнеры. Зразумеў, што яго абакралі, і звярнуўся ў міліцыю.
Мясцовая міліцыя знайшла злодзея. Сваю віну ён прызнаў, распавёў, што не разумеў, што дрот, які ён скраў, з'яўляецца зараднай прыладай ад электрамабіля. У дачыненні да раней не судзімага 53-гадовага жыхара Баранавічаў распачатая крымінальная справа за крадзеж.
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала8
Каментары