Беларус паехаў у Расію на заробкі і знік у Маскве
Пошукава-выратавальны атрад «Анёл» паведаміў пра пошукі жыхара Вілейкі Андрэя Кавалёнка, які знік у Маскве. Родныя не могуць з ім звязацца амаль месяц.
Як паведамляецца, Кавалёнак паехаў у Расію на заробкі і апошні раз выходзіў на сувязь, знаходзячыся на маскоўскім аўтавакзале «Салар'ева».
Гэта было 13 жніўня 2024 года. З тых часоў яго месцазнаходжанне невядомае.
Андрэй Валянцінавіч Кавалёнак, 44 гады. Прыкметы: рост 170 см, нармальнага целаскладу, вочы шэра-блакітныя, валасы светла-русыя. Можа насіць бараду і акуляры для карэкцыі зроку. Хутчэй за ўсё, быў апрануты ў сінія джынсавыя шорты, чорную майку з надпісам Jack & Jones.
Усіх, хто валодае якой-небудзь інфармацыяй пра месцазнаходжанне Кавалёнка, просяць патэлефанаваць па тэлефоне 7733; +375 (33) 694-77-33.