Biełarus pajechaŭ u Rasiju na zarobki i źnik u Maskvie
Pošukava-vyratavalny atrad «Anioł» paviedamiŭ pra pošuki žychara Vilejki Andreja Kavalonka, jaki źnik u Maskvie. Rodnyja nie mohuć ź im źviazacca amal miesiac.
Jak paviedamlajecca, Kavalonak pajechaŭ u Rasiju na zarobki i apošni raz vychodziŭ na suviaź, znachodziačysia na maskoŭskim aŭtavakzale «Sałarjeva».
Heta było 13 žniŭnia 2024 hoda. Z tych časoŭ jaho miescaznachodžańnie nieviadomaje.
Andrej Valancinavič Kavalonak, 44 hady. Prykmiety: rost 170 sm, narmalnaha ciełaskładu, vočy šera-błakitnyja, vałasy śvietła-rusyja. Moža nasić baradu i akulary dla karekcyi zroku. Chutčej za ŭsio, byŭ apranuty ŭ sinija džynsavyja šorty, čornuju majku z nadpisam Jack & Jones.
Usich, chto vałodaje jakoj-niebudź infarmacyjaj pra miescaznachodžańnie Kavalonka, prosiać patelefanavać pa telefonie 7733; +375 (33) 694-77-33.