Кадыраў узнагародзіў Кадыраву медалём Кадырава
Рамзан Кадыраў узнагародзіў Айшат Кадыраву медалём памяці Ахмата Кадырава.
Віцэ-прэм'ерка Чачні Айшат Кадырава была ўзнагароджаная медалём «Памяці Ахмата-Хаджы Кадырава, Першага Прэзідэнта ЧР» за «ўмацаванне сувязяў Чачні з Данбасам».
Фота, як яна прымае ўзнагароду з рук свайго бацькі Рамзана Кадырава, дзяўчына апублікавала ў сацсетцы. Айшат напісала, што гэта «велізарны гонар і адказнасць».
У 26-гадовай Айшат Кадыравай не менш за сем узнагарод, у тым ліку «за абарону правоў чалавека».
З 2021 года Айшат Кадырава ўзначальвала Міністэрства культуры Чачэнскай Рэспублікі.
У кастрычніку 2023 года яна стала віцэ-прэм'еркай Чачні па сацыяльных пытаннях.
У тым жа месяцы ёй прысвоілі званне народнай артысткі Чачэнскай Рэспублікі.