Kadyraŭ uznaharodziŭ Kadyravu miedalom Kadyrava
Ramzan Kadyraŭ uznaharodziŭ Ajšat Kadyravu miedalom pamiaci Achmata Kadyrava.
Vice-premjerka Čačni Ajšat Kadyrava była ŭznaharodžanaja miedalom «Pamiaci Achmata-Chadžy Kadyrava, Pieršaha Prezidenta ČR» za «ŭmacavańnie suviaziaŭ Čačni z Danbasam».
Fota, jak jana prymaje ŭznaharodu z ruk svajho baćki Ramzana Kadyrava, dziaŭčyna apublikavała ŭ sacsietcy. Ajšat napisała, što heta «vielizarny honar i adkaznaść».
U 26-hadovaj Ajšat Kadyravaj nie mienš za siem uznaharod, u tym liku «za abaronu pravoŭ čałavieka».
Z 2021 hoda Ajšat Kadyrava ŭznačalvała Ministerstva kultury Čačenskaj Respubliki.
U kastryčniku 2023 hoda jana stała vice-premjerkaj Čačni pa sacyjalnych pytańniach.
U tym ža miesiacy joj prysvoili zvańnie narodnaj artystki Čačenskaj Respubliki.