Сын Трампа назваў ідыётамі тых, хто даў дазвол на дальнабойныя ўдары па Расіі
Дональд Трамп-малодшы мяркуе, што гэта рашэнне можа справакаваць Трэцюю сусветную вайну.
Дональд Трамп-малодшы. Фота: Julia Demaree Nikhinson / AP
Сын новаабранага прэзідэнта ЗША Дональда Трампа — Дональд Трамп-малодшы назваў ідыётамі людзей, якія дазволілі ўжываць дальнабойныя ракеты па Расіі. Пра гэта ён напісаў у сацсетцы X.
Ён мяркуе, што гэта рашэнне можа справакаваць Трэцюю сусветную вайну.
«Ваенна-прамысловы комплекс, здаецца, хоча быць упэўненым, што яны пачнуць Трэцюю сусветную вайну да таго, як у майго бацькі з'явіцца шанец усталяваць мір і выратаваць жыцці. Трэба зафіксаваць гэтыя трыльёны даляраў. К чорту жыццё!!! Ідыёты!» — напісаў ён.
Учора стала вядома, што Джо Байдэн упершыню дазволіў украінскім вайскоўцам выкарыстоўваць дальнабойныя ракеты ATACMS для ўдару па тэрыторыі Расіі.
Чытайце таксама:
Байдэн дазволіў Украіне наносіць удары па Расіі амерыканскімі ракетамі далёкага радыусу дзеяння