Байдэн дазволіў Украіне наносіць удары па Расіі амерыканскімі ракетамі далёкага радыусу дзеяння
За два месяцы да адыходу з пасады прэзідэнт ЗША Джо Байдэн упершыню дазволіў украінскім вайскоўцам выкарыстоўваць сістэму ATACMS, каб дапамагчы абараніць свае сілы ў Курскай вобласці Расіі, піша New York Times. Рашэнне было прынята ў адказ на рашэнне Расіі ўвесці ў вайну паўночнакарэйскія войскі.
Прэзідэнт Байдэн санкцыянаваў першае выкарыстанне Украінай пастаўленых ЗША ракет вялікай далёкасці для нанясення ўдараў па тэрыторыі Расіі, паведамілі афіцыйныя асобы ЗША.
Са слоў крыніц, гэтая зброя, імаверна, першапачаткова будзе выкарыстана супраць расійскіх і паўночнакарэйскіх войскаў для абароны ўкраінскіх войскаў у Курскай вобласці на захадзе Расіі.
Рашэнне Байдэна з'яўляецца сур'ёзным змяненнем у палітыцы ЗША.
Гэта адбылося за два месяцы да ўступлення на пасаду абранага прэзідэнта Дональда Трампа, які паабяцаў абмежаваць далейшую падтрымку Украіны.
Па словах афіцыйных асоб, дазвол украінцам выкарыстоўваць ракеты далёкага радыусу дзеяння, вядомыя як вайсковыя тактычныя ракетныя комплексы (Army Tactical Missile Systems, або ATACMS), было атрымана ў адказ на нечаканае рашэнне Расіі ўвесці ў бой паўночнакарэйскія войскі.
Украінцы спадзяюцца, што яны змогуць абмяняць расійскую тэрыторыю, якую яны ўтрымліваюць, на ўкраінскую тэрыторыю, якую ўтрымлівае Расія, падчас будучых перамоваў.
Калі расійскі штурм украінскіх войскаў у Курску будзе паспяховым, Кіеў можа апынуцца без тэрыторыі Расіі, якую можна прапанаваць Маскве ў абмен.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары
Парадоксы палітыкі ў дэмакратыях: часам смелыя рашэнні можа зрабіць адміністрацыя, якая прайграла і сыходзіць. (Ужо няма рызыкі зараз згубіць падтрымку выбаршчыкаў, але сам факт рашэння можа сыграць ў будучыні.)