Пасол Украіны ў Турцыі расказаў, як Эрдаган выратаваў ад расійскага захопу Адэсу і Мікалаеў
Закрыццё Турцыяй праліваў Басфор і Дарданэлы з пачаткам шырокамаштабнага ўварвання Расіі ва Украіну не дазволіла расіянам выкарыстаць сваю перавагу на моры для захопу Адэсы, Мікалаева і іншых тэрыторый. Пра гэта заявіў амбасадар Украіны ў Турцыі Васіль Боднар «Укрінформу».
Амбасадар Украіны ў Турцыі Васіль Боднар і прэзідэнт Турцыі Рэджэп Таіп Эрдаган. Фота: Vasyl Bodnar / Facebook
«Адным з ключавых этапаў абароны Украіны стала перакрыццё Турцыяй праліваў Басфор і Дарданэлы. Адну «Маскву» мы патапілі, а ў Міжземным моры чакалі яшчэ два рускіх крэйсеры. І тое, што Турэччына закрыла пралівы, я лічу, перашкодзіла Расіі выкарыстаць сваю перавагу на моры для захопу Адэсы, Мікалаева і іншых тэрыторый, якія, паводле планаў Масквы, павінны былі быць акупаваныя ў выніку аперацыяў з мора», — сказаў пасол.
Дыпламат таксама нагадаў, што Турцыя стала сур'ёзным транспартным вузлом для Украіны. Цяпер для ўкраінскіх перавозчыкаў дзейнічае транспартны бязвіз.
Чытайце таксама:
Эрдаган выступіў супраць дазволу ўкраінцам біць ATACMS
Пяскоў пра план Эрдагана: Варыянт замарозкі па лініі фронту апрыёры непрымальны для Расіі
Турцыя заблакавала пастаўкі амерыканскай электронікі расійскаму ВПК