Марыі Захаравай перад вылетам на мерапрыемства АБСЕ анулявалі мальтыйскую візу
Мальта анулявала візу афіцыйнай прадстаўніцы МЗС РФ Марыі Захаравай перад вылетам расійскай дэлегацыі з Масквы на пасяджэнне Рады міністраў замежных спраў АБСЕ, паведаміла расійскае Міністэрства замежных спраў.
Марыя Захарава. Фота: МЗС Расіі
«Беспрэцэдэнтным выпадкам стала ануляванне напярэдадні мерапрыемства ўжо выдадзенай мальтыйскім старшынствам візы афіцыйнаму прадстаўніку МЗС Расіі М. У. Захаравай з фармулёўкай «у сілу не залежных ад іх абставінаў», — гаворыцца ў паведамленні расійскага МЗС.
Марыя Захарава ўжо шмат гадоў з'яўляецца тварам расійскага МЗС, менавіта з яе асобай асацыююцца многія прапагандысцкія кампаніі, якія вядуцца па лініі гэтага ведамства. Захарава адзначаецца тым, што, займаючы дыпламатычную пасаду, нярэдка свядома паводзіць сябе зусім не дыпламатычна.
Вось і цяпер, каментуючы рашэнне мальтыйскіх уладаў, Марыя Захарава назвала яго «падкопамі заходняй гідры».
Чытайце таксама:
Захаравай проста ў часе брыфінгу патэлефанавалі і сказалі не каментаваць удар балістычнай ракетай
Марыя Захарава прэзентавала песню — музыку для яе напісаў вядомы беларускі кампазітар
ЗША ўвялі санкцыі супраць Марыі Захаравай і шэрагу расійскіх міністраў