Асад быў здзіўлены, як дзейнічала яго армія
У Ірана былі звесткі пра наступ паўстанцаў у Сірыі.
Байцы сірыйскай апазіцыі стаяць на борце захопленага знішчальніка ВПС Сірыі ў вайсковым аэрапорце Хамы. Фота: Ghaith Alsayed / AP
У Ірана былі звесткі аб магчымым наступе антыўрадавых сіл, якія ён перадаў ураду Сірыі, таму адступленне сірыйскай арміі і хуткасць прасоўвання паўстанцаў сталі нечаканасцю, заявіў кіраўнік іранскага МЗС Абас Аракчы.
«Сам спадар Башар Асад быў здзіўлены тым, як дзейнічала яго ўласная армія, і было ясна, што ў самой Сірыі няма правільнага аналізу. Я думаю, што сірыйская армія была ў палоне псіхалагічнай вайны».
Кіраўнік іранскага МЗС папярэдзіў аб магчымай грамадзянскай вайне, распадзе краіны ці яе «поўнага краху і ператварэнні ў бяспечны прытулак для тэрарыстаў».
Акрамя таго, існуе верагоднасць пашырэння канфлікту на ўвесь рэгіён, адзначыў Аракчы.
Чытайце таксама:
Асад уцёк у Расію і папрасіў палітычны прытулак
«Прыехалі на нашы КПП, стралялі ў паветра». Расійскія базы ў Сірыі цалкам ізаляваныя паўстанцамі
Ізраіль нанёс авіяўдары па Дамаску. І заняў частку тэрыторыі Сірыі на Галанскіх вышынях