Ізраіль нанёс авіяўдары па Дамаску. І заняў частку тэрыторыі Сірыі на Галанскіх вышынях
ВПС Ізраіля актывізаваліся ў Сірыі пасля падзення рэжыму Асада.
Ізраільскія ВПС нанеслі ўдары па некалькіх аб'ектах у Дамаску. Пад удары трапілі будынкі штаб-кватэры сірыйскай мытні і вайсковай разведкі ў комплексе бяспекі ў раёне Кафр-Суса. Акрамя таго, ізраільскія ВПС нанеслі ўдары па складах са зброяй у паўднёвых раёнах Сірыі
Ізраільскія вайскоўцы таксама нанеслі ўдары па даследчым цэнтры ў Дамаску. Паводле крыніц Reuters, там маглі распрацоўвацца іранскія ракеты далёкага радыусу дзеяння.
Пасля падзення рэжыму Башара Асада і яго ўцёкаў з краіны ізраільская армія заняла буферную зону на спрэчных Галанскіх вышынях «для забеспячэння бяспекі ізраільскіх грамад». Ізраіль кантралюе большую частку вышыняў з часоў Шасцідзённай вайны 1967 года. У 1981 годзе ён анексаваў гэтую тэрыторыю, нягледзячы на пазіцыю ААН. На мяжы была створана дэмілітарызаваная буферная зона.
На мяжу з Сірыяй на Галанскіх вышынях сёння асабіста прыбыў прэм'ер-міністр Ізраіля Біньямін Нетаньяху. Ён назваў дзень падзення рэжыму Асада «гістарычным» і заявіў, што гэта стала магчымым дзякуючы супраціву, які Ізраіль аказваў Ірану і «Хезбале» ў Ліване.
Уваход ізраільскай арміі на сірыйскую частку вышынь Нетаньяху растлумачыў тым, што з-за вываду сірыйскіх войскаў перастала дзейнічаць пагадненне аб размежаванні з Сірыяй 1974 года.
Сірыйскія паўстанцы ўвайшлі ў Тартус, дзе знаходзіцца адзіная расійская ваенна-марская база ў рэгіёне
З’явілася відэа люксавых аўто з гаража Башара Асада
МЗС Расіі перастала называць сірыйскіх паўстанцаў тэрарыстамі — цяпер кажуць пра апазіцыю
Башар Асад пакінуў пасаду прэзідэнта Сірыі і краіну — МЗС Расіі
Усе кіраўнікі, супраць якіх выступалі пратэстоўцы падчас Арабскай вясны 2011 года, сышлі ў мінулае. Асад стаў апошнім
Фрыдман: Лёс Асада паказвае, што Лукашэнку «арэшнікі» не дапамогуць
Дзмітрый Лукашэнка хоча паставіць пад кантроль усе мабільныя тэлефоны11
Каментары