Завочна будуць судзіць пецярых каліноўцаў
Следчы камітэт паведаміў, што спецыяльная вытворчасць, якая мае на ўвазе завочнае асуджэнне, адкрытая супраць пяці чалавек, звязаных з Палком Каліноўскага, які ваюе ва Украіне.
Гэтым разам спецыяльная вытворчасць адкрытая супраць 44-гадовага Арцёма Бігеля, 25-гадовага Вячаслава Граноўскага, 34-гадовага Ігната Кірэева, 32-гадовай Настассі Махамет і 31-гадовага Яна Мельнікава.
Усім прадпісваецца з'явіцца ва Упраўленне Следчага камітэта па горадзе Мінску.
Паводле Следчага камітэта,
«акрамя ўдзелу ў баявых дзеяннях на тэрыторыі суседняй дзяржавы, група аб'яднана ідэяй уварвання ў Рэспубліку Беларусь для ініцыявання ўзброеных сутыкненняў з праваахоўнымі органамі і ўзброенымі сіламі нашай краіны, гвалтоўнай змены канстытуцыйнага ладу, захопу дзяржаўнай улады злачынным шляхам і ліквідацыі грамадзян, нязгодных з прапагандуемай ідэалолгіяй».
Фігурантам інкрымінаваны шэраг артыкулаў крымінальнага кодэксу, сярод які «акт тэрарызму» і «арганізацыя дзейнасці тэрарыстычнай арганізацыі».
Чытайце таксама:
Заснавальніка медцэнтра «Новы зрок» завочна прысудзілі да 12 гадоў калоніі
Да калоніі і буйных штрафаў асудзілі прадстаўнікоў мінскага стартап-хаба «Імагуру»
Андрэя Стрыжака, Аляксея Лявончыка і Сашу Звераву будуць судзіць завочна
Вярхоўны суд адмяніў прысуд арт-менеджару Аляксандру Чахоўскаму, справу будуць пераглядаць